Москвада “Крокус Сити Холл” концерт залидаги теракт оқибатида ҳалок бўлганларнинг шахсини аниқлаш жараёнлари бошланди, деб хабар беради “РИА Новости” шаҳар соғлиқни сақлаш департаментига таяниб.

Жасадларни таниб олиш жараёни Москва суд-тиббий экспертиза бюросида бўлиб ўтмоқда, у ерда олдиндан марҳумларнинг қариндошлари таклиф қилинмоқда.

Департаментда қайд этишларича, баъзи ҳолларда жасадларни таниб олиш учун молекуляр-генетик экспертиза талаб этилиши мумкин, у эса камида икки ҳафта вақт олади.

Расмий маълумотларга кўра, “Крокус”даги теракт оқибатида 133 киши ҳалок бўлган. Теракт натижасида ёниб кетган бинода вайроналарни кўздан кечириш давом этмоқда.