Путин ва Лукашенко буғучишуғулланувчи оилага қўнғироқ қилиб, уларни олтин тўйлари билан табриклади. Суҳбат видеоси Кремль матбуот хизмати томонидан эълон қилинди. Хабарда айтилишича, Путин ва Лукашенко Енкся ва Зоя Пякларни никоҳларининг 50 йиллиги билан табриклаган.

Кремль томонидан эълон қилинган видеода Путин телефонда “Бизни эшитаяпсизми?”, деб сўрайди. Бунга жавобан Енкся Пяк: “Эшитяпман, эшитяпман, бу ким?”, дейди.

“Ўзимизникилар, Кремлдан. Кремлдан дўстларингиз”, – деб жавоб беради Путин.

Путин ва Лукашенконинг Пяклар оиласи билан суҳбати чоғида россиялик космонавт Олег Новицкий ва беларуслик космонавт Марина Василевская ҳам иштирок этган.

Январь ойи охирида “Родные-Любимые” форумида Енкся Пяк Путинни Ямало-Ненец автоном округига таклиф қилди ва “уни учта оқ кийикка миндириш”ни ваъда берди. Буғучининг сўзларига кўра, “тундрадаги ҳар бир бола Путинни танийди”. Россия президенти бунга жавобан “албатта боришга ҳаракат қилишини” айтди.

2023 йил октябрь ойида Пяклар оиласи Бутунроссия “Йил оиласи” танловининг ғолиби бўлганди.