Fransiya terma jamoasi hujumchisi Kilian Mbappe PSJni tark etishi munosabati bilan 250 kishi uchun xayrlashuv kechki ovqatini uyushtirdi. Bu haqda Le Parisien nashri xabar bermoqda.

Tadbir 20-may kuni Parij markazidagi italyan restoranlaridan birida bo‘lib o‘tdi. Mehmonlar orasida PSJning hozirgi va sobiq futbolchilari, shuningdek, klub xodimlari bor edi.

Mehmonlar ro‘yxatida Fransiya prezidenti Emmanuel Makron ham bor edi, lekin u kelmagan. Bundan tashqari, PSJ rahbari Nosir Al-Xelayfi yig'ilishda ishtirok etmadi.

Mbappe 10-may kuni shartnoma muddati tugaganidan so'ng mavsum oxirida Parij klubini tark etishini e'lon qildi. 25 yoshli forvard faoliyatini "Real"da davom ettirishi kutilmoqda, lekin bu haqda hali rasman e'lon qilinmagan.

Mbappe 2017-yildan beri "PSJ"da o'ynab kelmoqda, u yerga "Monako"dan ko'chib o'tgan. Parijliklar bilan forvard olti marta Fransiya chempionligi, uchta mamlakat kubogi va Superkubogi hamda ikki marta Fransiya Ligasi kubogini qo‘lga kiritdi.

Fransiya terma jamoasi tarkibida Mbappe hisobida 77 ta o'yin va 46 ta gol bor, u 2018-yilgi jahon chempioni va 2022-yilgi jahon chempionatining kumush medali sovrindori.