• 11430.07
  • 12299.90
  • 147.90
weather Тошкент: +27.1°C

Gazeta Uz - Янгиликлари

Image
Тошкентдаги «Ашхобод» боғи раҳбарлари 15 суткага қамалди

Тошкентдаги «Ашхобод» кўнгилочар боғи директори, унинг ўринбосари ва реклама бўлими бошлиғи оммавий тадбирлар ўтказиш қоидаларини бузгани ва бошқа ҳуқуқбузарликлар учун 15 суткага қамалди. Уларнинг «текинга нарса тарқатиш» акциялари боғда 40 мингга яқин одам тўпланиши ва хавф туғдиришга сабаб бўлди.

Image
Сирдарёдаги лак-бўёқ ишлаб чиқариш омборида ёнғин содир бўлди

Гулистон шаҳридаги лак-бўёқ маҳсулотлари ишлаб чиқариш омборида ёнғин содир бўлди. Ёнғин тунда келиб чиқди ва икки соатда ўчирилди. Ҳодиса оқибатида бино том қисми ва 2 та юк машинаси қисман зарарланди.

Image
«Халқ пули давлат бюджетига ўтдими, у давлатнинг пулига айланади» — Қашқадарё адлия бошқармаси бошлиғи

Қашқадарё вилояти адлия бошқармаси бошлиғи Салоҳиддин Нуриев ОАВ вакиллари билан суҳбатда «халқ пули, халқ мулки давлат бюджетига ўтса, ўз-ўзидан у давлатнинг пулига айланишини» таъкидлади. Адлия вазирлиги давлат органлари халқ олдида ҳисобдор эканини эслатиб, ҳолат ўрганилаётганини билдирди.

Image
Тартибсизлик ва тирбандликлар фонида Тошкентдаги «текинга нарса тарқатиш» акциялари тўхтатилди

Тошкентда Халқаро болаларни ҳимоя қилиш кунида ташкил этилиши режалаштирилган «текинга нарса тарқатиш» акциялари тўхтатилди, деб хабар берди ИИВ. Ўйинчоқлар, музқаймоқ ва бошқаларнинг текин тарқатилиши транспорт ҳаракатидаги 10 балли тирбандликка ва боғларда одамларнинг тўпланиб қолишига олиб келди.

Image
«Болалар эҳтиёжи учун хавфсиз чўмилиш ҳавзалари керак» — Сурайё Раҳмонова

Болалар омбудсмани Сурайё Раҳмонованинг фикрича, болаларни тақиқланган жойда чўмилмаслик ҳақида огоҳлантиришнинг ўзи етарли эмас. «Уларнинг эҳтиёжи учун муқобил хавфсиз чўмилиш ҳавзалари керак», — деди у. Омбудсман бу масала бўйича вилоят хокимларига сўров киритилганини маълум қилди.

Image
Таиланд ва Филиппиннинг янги элчиларидан ишонч ёрлиқлари қабул қилинди

Ўзбекистон Ташқи ишлар вазирлигида Таиланд ва Филиппиннинг янги элчиларидан ишонч ёрлиқлари қабул қилиб олинди. ТИВ раҳбари Бахтиёр Саидов Филиппин билан «фойдаланилмаган улкан салоҳиятлар» борлигини таъкидлади.

Image
Суғориш тизими мавжуд бўлмаган жойларга баҳорда 600 минг тупдан ортиқ кўчат экилди

Баҳорда «Яшил макон» умуммиллий лойиҳаси доирасида суғориш тизими мавжуд бўлмаган жойларга 600 минг тупдан ортиқ кўчат экилди. Бу ҳақда Сенатдаги муҳокамада сўз борди. Бу масала аввалги йилларда ҳам бир неча бор кўтарилган.

Image
Акмал Саидов БМТ Инсон ҳуқуқлари қўмитаси аъзоси бўлди

Инсон ҳуқуқлари бўйича миллий марказ директори, академик Акмал Саидов 2025—2028 йилларга мўлжалланган БМТ Инсон ҳуқуқлари қўмитасига аъзо бўлди. БМТнинг мазкур органига Ўзбекистондан биринчи марта вакил сайланди.

Image
Давлат харидларидаги тўғридан-тўғри шартномаларда нархларни мажбурий очиқлаш тизимини жорий этиш режалаштирилмоқда

Давлат харидларида тўғридан-тўғри шартномани тузишдан аввал мазкур шартномадаги нархларни олдиндан мажбурий тарзда жамоатчиликка очиқлаш тизимини йўлга қўйиш таклиф этилмоқда. Иқтисодиёт ва молия вазирлиги бу бўйича президент фармони лойиҳасини ишлаб чиқди.

Image
Икки тадбиркорга газ бўйича асоссиз ҳисобланган 15 млрд сўм қарздорлик бекор қилинди

Тошкент ва Сирдарё вилоятларидаги иккита ёқилғи қуйиш шохобчаси эгаларига табиий газдан фойдаланганлик учун 15 млрд сўм асоссиз қарздорлик ҳисобланган. Рақобатни ривожлантириш ва истеъмолчилар ҳуқуқларини ҳимоя қилиш қўмитаси вазиятни ўрганиши натижасида қарздорлик бекор қилинди.

Image
Долларнинг расмий курси март охиридан бери илк бор 12 600 сўмдан пастлади

Марказий банк эълон қилган АҚШ долларининг сўмга нисбатан курси кетма-кет еттинчи савдо куни пасаймоқда. 24 майдан буён миллий валюта деярли 125 сўмга (1 фоиз) мустаҳкамланиб, март ойидан бери илк бор 12 600 сўмдан пастлади.

Image
Президент Бухорода газ-кимё мажмуаси, қуёш электр станцияси ва халқаро аэропорт қурилишига старт берди

Президент томонидан Бухоро вилоятида учта йирик объект — MTO газ-кимё мажмуаси, қуёш электр станцияси ва Бухоро халқаро аэропорти қурилиши бошланди.

Image
Биринчи чоракда газни субсидиялаш учун 8,1 трлн сўм йўналтирилди. Бу йиллик умумий ҳажмнинг 85 фоизини ташкил этади

Биринчи чоракда газ сотиб олиш ва сотиш ўртасидаги фарқни қоплаш учун давлат бюджетидан 8,1 трлн сўм субсидия ажратилди. Бу бутун 2024 йил учун режалаштирилган субсидиялар умумий ҳажмининг 85 фоизини ташкил этади.

Image
Сурхондарёдаги маҳалла аҳолиси стадионнинг бир қисмида боғча қурилаётганидан норози. Ҳокимлик ҳаммаси қонуний эканини билдирди

Қумқўрғон тумани Янгиер маҳалласи аҳолиси стадион ўрнида боғча қурилаётганидан шикоят қилди. Ҳокимликнинг «Газета.uz'га билдиришича, ишлар қонуний ва 115 сотих стадионнинг 35 сотихидагина давлат боғчаси қуриляпти. Бу маҳаллада 150 нафар бола боғча таълими билан қамраб олинмагани айтилди.

Image
Мажбурий автосуғурта тарифларини ошириш таклиф этилмоқда

Ўзбекистонда транспорт воситалари эгаларининг фуқаролик жавобгарлигини мажбурий суғурта қилиш (ОСАГО) бўйича тарифларни ошириш режалаштирилмоқда. ИЛМА 2019 йилда тасдиқланган суғурта тарифи миқдорини қайта кўриб чиқмоқда. Амалдаги тарифлар зарарларни қоплашга етмаётгани айтилди.

Image
Жаҳонгир Азимов: «Ўша кунги воқеалар ривожини тўлиқ ўрганиш керак»

Масс-медиа фонди янги директори Жаҳонгир Азимов ўзининг Telegram каналида Muna Mug компанияси раҳбари Фаррух Ҳакимовнинг фотограф Камиль Еникеевга қилган тажовузкор ҳаракатларига муносабат билдирди. У ҳаракатни номақбул деб атади ва бу қонун билан жазоланиши кераклигини таъкидлади.