Қишлоқ хўжалиги вазирлигининг маълум қилишича, 2023 йил 15 мартдан мамлакатда пиёз нархи барқарорлашганлиги сабабли пиёз экспортига қўйилган вақтинчалик чеклов бекор қилинди.

Эслатиб ўтамиз, Ўзбекистон ички бозорида маҳсулот нархларини барқарорлаштириш, аҳолининг истеъмол талабини қондириш ва озиқ-овқат хавфсизлигини таъминлаш мақсадида 2023 йилнинг 20 январида жорий йилнинг апрель ойи охиригача пиёз экспортига вақтинчалик чеклов ўрнатилиши эълон қилинган эди. 

Бунга об-ҳавонинг ғайритабиий совуқлиги туфайли ушбу қишлоқ хўжалиги маҳсулотининг йирик захиралари музлаб қолгани, натижада унинг нархи кескин кўтарилгани сабаб бўлган.