Ўзбекистон 2022 йилда саёҳат қилиш учун энг яхши мамлакат — The Independent

Британиянинг машҳур The Independent нашри саёҳат қилиш учун энг оммабоп 10 та мамлакат рўйхатини эълон қилди.  The Independent тақдим қилган рўйхатга Норманд ороллари, Шимолий Ирландия, Канада, Испания, Италия, Туркия, Ўзбекистон, Миср ва Бутан киритилди.

Нашр муҳаррири ушбу рўйхатдан ўрин олган Ўзбекистонга саёҳат қилиш таассуротларга бой бўлишини таъкидлаган.

Шунингдек, Ўзбекистон бир неча йил аввал Буюк Британия фуқароларига виза талабларини енгиллаштиргани, энди улар мамлакатда визасиз бир ой муддат бўлиб туриши мумкинлиги қайд этилган.

Муаллиф мамлакатга саёҳатни режалаштираётганда жорий йил ўтказилиши режалаштирилган халқаро фестивалларга ташриф буюришни маслаҳат берган.

Хивада "Лазги" халқаро рақс фестивали, Қўқонда "Лаванда" фестивали, Самарқандда "Шарқ тароналари" халқаро мусиқа фестивали ва Тошкент шаҳрида ўтказилган халқаро ҳунармандчилик фестивали шулар жумласидандир.