• 10809.74
  • 12317.70
  • 141.04
weather Тошкент: +6.8°C
Detail image

Шавкат Мирзиёев Қозоғистон пойтахтида очилган Ўзбекистон элчихонасининг янги биносини бориб кўрди

Нур-Султон шаҳридаги Ўзбекистон элчихонаси янги биносини ўзбекистонлик қурувчилар барпо этишган.
Шавкат Мирзиёев Қозоғистон пойтахтида очилган Ўзбекистон элчихонасининг янги биносини бориб кўрди
Фото: president.uz
Президентлар Шавкат Мирзиёев ва Қасим-Жомарт Тоқаев рамзий боғични кесиб, янги бинони тантанали равишда очиб беришди.

Замонавий бино ўзбекистонлик қурувчилар томонидан барпо этилган. Хоналар миллий услубда безатилган.

Дипломатик ваколатхона ҳудудида асосий бино, консуллик бўлими, ходимлар учун уй, дипломатик миссия раҳбарининг қароргоҳи, болалар ва спорт майдончалари жойлашган. Музокара хоналари, анжуманлар залида барча шароитлар мавжуд. Элчихонанинг ўз кутубхонаси ҳам бор.

Иш жараёнларини самарали ташкил этишга алоҳида эътибор қаратилган, ахборот технологиялари кенг жорий қилинган. У ердаги интерфаол ускуналар музокараларни онлайн шаклда ўтказиш имконини беради. Консуллик фаолияти учун "электрон навбат" тизими ўрнатилган, бу ерга келувчилар маълумотларни интерфаол тарзда олиш имкониятига эга.

Алоҳида эҳтиёжли одамлар учун ҳам зарур шароитлар яратилган.

Бир сўз билан айтганда, янги элчихона биносида барчаси иш сифати ва самараси юқори бўлишига, қардош мамлакат билан шерикликни янада кенгайтиришга қаратилган.

Шавкат Мирзиёев ва Қасим-Жомарт Тоқаев элчихонанинг Фахрий меҳмонлар китобида қайд ёзиб қолдиришди.

Ўхшаш янгиликлар