Аввалроқ, ижтимоий тармоқларда автоҳалокатга учраган автотрейлер видеоси тарқалиб, кенг муҳокамаларга сабаб бўлган эди. Ҳолат юзасидан "УзАуто Motors" АЖ Ахборот хизмати расмий хабар қилди.

Маълум бўлишича, ушбу йўл-транспорт ҳодисаси жорий йилнинг 4 сентябрь куни соат тахминан 18:00 атрофида Фарғона вилоятида содир бўлган.

Логистика автотрейлери ҳайдовчиси бошқарувни йўқотиб, жарликка қулаб тушган.

Мазкур ЙТҲ натижасида 8 та Chevrolet Cobalt автомобили зарар кўрган, автотрейлер ҳайдовчиси жароҳатланмаган.

"Ҳозирда воқеа жойида "УзАуто Motors" АЖ масъул ходимлари ишламоқда",- дейилади хабарда.