Тошкент: +18.1
- 20:02 / 03 Jun 2023
- 6
- Бошқа
ТОШКЕНТ, 3 июн — Sputnik. Украинада тинчлик ўрнатилиши Ғарб Россия билан музокара қилиш зарурлигини тушунсагина мумкин бўлади. Бу ҳақда Қрим парламенти раҳбари Владимир Константинов РИА Новостига маълум қилди.
Аввалроқ Владимир Зеленский Украинадаги можарони ҳал қилиш учун асос фақат Украинанинг ҳудудий яхлитлигини тиклаш ва мамлакатнинг ҳарбий ҳаракатлардан кўрган йўқотишларини Россия активлари ҳисобидан қоплашнинг халқаро механизмини яратишни ўз ичига олган Украинанинг “тинчлик формуласи” бўлиши мумкинлигини айтган.
“Ғарб Россия билан музокаралар олиб бориш зарурлигини тушунсагина тинчлик бўлиши мумкин, бироқ улар ҳозирча бундай хулосага келмаган. Зеленскийга келсак, бу вақтинчалик шахс, унинг сиёсий кунлари, менимча, саноқли. Ва унга ҳеч қандай формулалар ёрдам бермайди ”, деди Константинов.
Унинг сўзларига кўра, Зеленский учун тинчликнинг ҳар қандай бошқа, ҳақиқий формуласини тан олиш сиёсий ўлим билан баробар.
“Шунинг учун, у бошқа ҳеч нарса дея олмайди. У аллақачон қанча украиналикни ўлдирган, иқтисодиётни қандай вайрон қилган, мамлакатни вайрон қилган - буларнинг барчаси учун у халқ олдида жавоб бериши ва Минск келишувларига нима учун амал қилмаганини тушунтириши керак. Ва бу лаҳзани кечиктириш учун у тинчлик учун энг реал бўлмаган, амалга ошириб бўлмайдиган формулаларни ўйлаб топади", деб таъкидлади Константинов.
Унинг фикрича, сиёсий воқелик ўзгарди ва келажак дунё учун шарт-шароит Зеленскийсиз шаклланади.
