• 11430.07
  • 12299.90
  • 147.90
weather Тошкент: +27.1°C
Detail image

21-noyabr kuni Toshkentning ikkita tumanidagi ayrim hududlarda elektr ta’minoti vaqtincha o‘chiriladi. Bu haqda “Hududiy elektr tarmoqlari” Toshkent shahar filiali matbuot xizmati xabar berdi.

Xususan, quyidagi hududlardagi iste’molchilarga elektr energiyasi vaqtincha yetkazib berilmaydi:

  • Mirzo Ulug‘bek tumani — “Sarbon”, “Geologlar”, “Ijodkor”, “Temuriylar”, “Iqtidor”, “Chingeldi” hamda “Alisherobod” MFYlarning ayrim hududlarida soat 09:00dan 15:00gacha;
  • Sergeli tumani — “Qo‘shqo‘rg‘on” MFYning ayrim hududlarida soat 09:00dan 17:00gacha.

Mazkur hududlarda ta’mirlash ishlari belgilangan vaqtdan avvalroq yakunlanishi mumkinligi qayd etilgan.

Joriy iylning iyun oyidan buyon kompaniya elektr tarmoqlaridagi avariyaviy holatlarning oldini olish, kuz-qish mavsumiga tayyorgarlik ko‘rish maqsadida tarmoqda ta’mirlash ishlarini olib bormoqda.

Avgust oyida Energetika vazirligi yuzaga kelayotgan uzilishlar bo‘yicha munosabat bildirgandi. Iyun oyida jami 34,8 mln kVt/soat majburiy cheklov kiritilgan bo‘lib, ko‘rsatkich iyul oyining o‘tgan 31 kuni mobaynida 175 mln kVt/soatni tashkil etgan.

Anomal issiq fonida O‘zbekistonda elektr iste’moli 2022-yilning yoz hamda 2023-yilning iyun oyidagi rekord ko‘rsatkichlarni yangiladi. 26-iyulda mamlakat bo‘yicha elektr iste’moli 250,7 mln kVt/soatni tashkil etib, o‘tgan yilning shu sanasiga nisbatan 5,8% oshgan.

Sentabrda energetika sohasini isloh qilishga qaratilgan prezident farmoni qabul qilingandi. 2026-yilga borib, elektr energiyasi talab va taklif asosida shakllanadigan erkin, ulgurji bozor ishga tushadi.

Ўхшаш янгиликлар