“Silk Avia” aviakompaniyasi Mustaqillik bayrami munosabati bilan 15%gacha chegirma e’lon qildi. Bu haqda aviakompaniya matbuot xizmati xabar berdi.

Chegirma 31-avgustdan 3-sentabrgacha amalga oshiriladigan barcha mahalliy aviaqatnovlar uchun taqdim etiladi.

Ularni 9-avgustdan 3-sentabrgacha silk-avia.com saytida, ilovada, mamlakatning barcha xalqaro aeroportlarida xarid qilish mumkin.

Shuningdek, “Uzbekistan Airways” savdo filiali va aviakompaniya agentlaridan xarid qilish imkoniyati ham mavjud.

Avvalroq “Uzbekistan Airways” aviakompaniyasi ham bayram munosabati bilan 30% chegirma e’lon qilgandi. Chegirma 31-avgustdan 3-sentabrgacha barcha mahalliy aviaqatnovlar uchun aviachiptalar tariflariga amal qiladi.