Янги Зеландиянинг Кермадек оролларида пайшанба куни маҳаллий вақт билан соат 13:56 да 7,0 магнитудали зилзила қайд этилди. Бу ҳақда Sinhuа агентлиги хабар беради.

Гавайи оролларида цунами бўлишидан огоҳлантирувчи Тинч океани маркази «Кермадек оролларининг айрим қирғоқларида 0,3-1 м баландликдаги цунами бўлиши мумкинлигини» айтди.

Мамлакат фавқулодда вазиятларни бошқариш миллий агентлигига кўра, кучли зилзиладан кейин Янги Зеландияда цунами хавфи йўқ.