• 10674.08
  • 12576.20
  • 146.91
weather Тошкент: +26.5°C
Detail image
Фото: Hagen Hopkins/Getty Images

Янги Зеландиянинг туб аҳолисини бирлаштирувчи “Маори партияси” мамлакат номини “Аотеароа” деб ўзгартириш ҳақида ҳукуматга петиция берди. Таъкидланишича, Янги Зеландия туб аҳоли - маори тилида шундай аталади

Маълумотларга кўра, маори тилидан “Аотеароа” “узун оқ булут мамлакати” деб таржима қилинади. 

“Аотеароа мамлакатни бўлакловчи эмас, балки бирлаштирувчи номдир. Қолганлар буни мамлакатни бўлаклаш воситаси сифатида қўллашга уринмоқда, бироқ бу аждодларимиз ушбу ерда барчамиз яшашимизга розилик берган, барчани қамраб олувчи восита ҳисобланади. Янги Зеландия мамлакатнинг голландча номланишидир. Ҳаттоки голландлар ҳам ўз мамлакатларини Голландиядан Нидерландияга ўзгартиришди”, деб айтилган партия мурожаатида.

Шунингдек, петицияда мамлакатнинг барча шаҳарларига маори тилидаги дастлабки номларини қайтариш лозимлиги айтилган. Ушбу жараённи 2026 йилгача якунлаш кўзда тутилмоқда.

Ўхшаш янгиликлар