24 июнь куни Ўзбекистонда коронавирус инфекцияси қайд этилганлар сони яна ортиб, 119киши касаллик юқтиргани маълум бўлди. Бу ҳақда ССВ матбуот хизмати хабар бермоқда.

Беморларнинг қарийб ярми — 54 нафари Тошкент шаҳрида аниқланди. Тошкент вилоятида 12 та, Сурхондарё ва Қашқадарёда 9 тадан, бошқа вилоятларда 1 тадан 6 тагача касалланиш қайд этилди.

2020 йил март ойидан буён расман қайд этилган касалланишларнинг умумий сони 240 206 та.

Аввалроқ, Ўзбекистонда коронавирус омикрон-штаммининг энг юқумли деб айтилаётган Stealth-Omicron BA.2 варианти аниқлангани хабар қилинганди.

Бир кун аввал Тошкент ҳокими пойтахтнинг ҳар бир туманида ихтисослаштирилган ковид-поликлиникаларни қайта очишга қарор қилди.