• 10674.08
  • 12576.20
  • 146.91
weather Тошкент: +26.5°C
Detail image

2021 йилнинг 22 июль куни Нью-Йоркда ҳар йили ўтказиладиган iPhone Photography Awards 2021 натижалари эълон қилинди, деб хабар бермоқда «Afisha.uz» нашри.

Венгриялик фотожурналист Истван Керекеш «Трансилваниялик чўпонлар» фотосурати билан гран-прига сазовор бўлди. Расмда икки ғамгин чўпон қаҳратон қиш фонида қўзиларни ушлаб тургани тасвирланган. Жониворларнинг беғуборлиги атрофнинг хиралиги билан контраст ҳосил қилган.

«Йил фотографи», Истван Керекеш, Венгрия, iPhone 7

Фото: IPPAWARDS

«Йил фотографи» номинациясида биринчи ўрин «Мулоқот» сурати учун ҳиндистонлик Шаран Шеттига берилди. Унда саҳрода одам ва унинг оти тасвирланган.

«Йил фотографи», Шаран Шетти, Ҳиндистон, iPhone Х

Фото: IPPAWARDS

Иккинчи ўрин хитойлик фотограф Ден Люга «Марс бўйлаб сайр» номли Марсда юрган астронавтнинг сурати учун насиб этди.

«Йил фотографи», Ден Лю, Хитой, iPhone 11 Pro Мах

Фото: IPPAWARDS

Учинчи ўрин америкалик Жеф Рейнерга «Ҳаводаги сайр» кўчада сакраётган қизчанинг сурати учун берилди.

«Йил фотографи», Жефф Рейнер, Америка, iPhone Х

Фото: IPPAWARDS

«Саёҳат» номинацияси бўйича россиялик Татяна Мерзлякованинг «Шимол ёғдуси сеҳри» фотосурати ғолиб бўлди.

«Саёҳат», Татяна Мерзлякова, Россия, iPhone 12 Pro Max

Фото: IPPAWARDS

Иккинчи ва учинчи ўринларни «Космик саёҳатга тайёргарлик» (Исроил) ва «Мусулмоннинг юраги» (Саудия Арабистони) фотосуратлари эгаллади.

«Космик саёҳатга тайёргарлик», Дина Алфасий, Исроил, iPhone 11 Pro

Фото: IPPAWARDS

Шунингдек, қўшимча 17 номинация бўйича Австралия, Германия, Бангладеш, Хитой, Греция, Венгрия, Италия, Исроил, Голландия ва бошқа мамлакатлар ғолибларига ҳам совғалар топширилди.

Эслатиб ўтамиз, ҳар бир номинация бўйича биринчи ўрин эгалари унвон ва сертификатлардан ташқари, олтин, иккинчи ва учинчи ўрин эгалари платинадан ясалган ёмби билан тақдирланади.

Ўхшаш янгиликлар