Республикамиз ҳудудида об-ҳаво шароитининг кескин ўзгарганлиги сабабли йўлларда кўриниш чекланиб, айрим ҳудудларда кучли ёмғир ёғиши кузатилмоқда. Ички ишлар вазирлиги ЙҲХХ аҳолига мурожаат қилди.
Барча ҳайдовчилардан:
- тезлик меъёрига риоя қилган ҳолда;
- оралиқ масофани сақлаб;
- газ ёки тормоз тепкисини кескин босмасдан;
- эҳтиёткорлик билан ҳаракатланишларини сўралади хабарда.
“Жиддий зарурат бўлмаса, узоқ йўл сафарига чиқмаслигингизни тавсия қиламиз. Пиёдалардан эса, белгиланмаган жойлардан йўлни кесиб ўтмасликларини сўраймиз”, дейилади ЙҲХХ хабарида.