Ўзбекистон, Тошкент – Batafsil.uz. Мухбиримиз берган хабарга кўра, Тошкентда сохта квартираларни ижарага таклиф қилган яна бир фирибгар ушланган. Пойтахтда аҳоли сонининг кўпайиши билан ижарага бериладиган уй-жойларга талаб ошиб бормоқда. Талаб билан бир қаторда, мижозларнинг ишончига кириб олган ва мўмай даромад олмоқчи бўлганлар ҳам кўпайган. Ушбу алдов схемаси йиллар давомида ўзгармайди, фақат манзаралар ва бош қахрамонлар бошқа бўлиб бормоқда. Баъзилар фирибгарлик учун интернетдан фойдаланишади. Оддий кишилар эса пулларини уларнинг банк карталарига кўчиришмоқда.

Масалан, январь ойи бошида ҳуқуқ-тартибот идоралари ходимлари келиб тушган ариза асосида сохта риэлторни қидиришни бошлашган. У Olx савдо платформаси орқали мавжуд бўлмаган квартираларни ижарага беришни таклиф қилган. Қизиқ таклифларни тақдим этиб, у одамлардан картага гаров пулини олган.

“Тадбиркор” йигит шу йўл билан содда ва уй-жойга муҳтож одамларни ўн миллион сўмга алдашга муваффақ бўлган.

"Мен Olx да квартираларнинг фотосуратларини жойлаштирдим. Аммо улар аслида йўқ эди. Кейин одамлардан гаров пулини сўрадим. Одатда бу миқдор 300 минг сўмни ташкил этди. Картага пул тушганидан кейин мен одамни қора рўйхатга киритардим", - деди ушланган фирибгар.

Ушбу ҳолат бўйича Жиноят кодексининг 168-моддаси (фирибгарлик) бўйича жиноий иш қўзғатилган.

Ўзбекистон бўйлаб янгиликлар: Telegram-каналга уланинг