Ўзбекистон, Тошкент – Batafsil.uz. Шаҳрисабз ҳайвонот боғи раҳбари урғочи шернинг ўлимига қарилик сабаб бўлганини айтган. У 22 ёшда бўлган. Бу ҳақда мухбиримиз хабар бермоқда.

Шаҳрисабз ҳайвонот боғи раҳбари Сайдали Мамадалиев билан Ekolog канали боғланган. Унинг сўзларига кўра, урғочи шер 2005 йилда уч ёшида Тошкентдан Шаҳрисабз ҳайвонот боғига олиб келинган.

"Ёввойи табиатда шерлар 12-14 йил яшайди. Ҳайвонот боғларида яхши парвариш билан улар 18 йилгача яшаши мумкин. Бу шер шанба куни эрталаб ташриф буюрувчилар келганидан кейин ўз болалари кўз олдида қариликдан вафот этди. Ўша куни биз жасадни вольердан олиб чиқа олмадик", - деди у.

Эртаси куни ҳайвонот боғи ходимлари шерлар оиласини бошқа вольерга кўчиришган ва якшанба куни эрталаб соат 8 да шерни дафн этишган.

"Бизнинг йўлбарсларимиз яхши ҳолатда. Биз уларни ўз вақтида овқатлантирамиз", - деди ҳайвонот боғи раҳбари.

Айни пайтда экологлар Шаҳрисабз ҳайвонот боғи раҳбаридан ўлган ҳайвон тўғрисида ветеринария хулосасини кутишмоқда.