• 11430.07
  • 12299.90
  • 147.90
weather Тошкент: +27.1°C
Detail image

Ўзбекистон, Тошкент – Batafsil.uz. Шаҳрисабз ҳайвонот боғида урғочи шер вафот этган. Ҳайвоннинг озган танасига қараганда, ҳаммасига ёмон шароитлар айбдор. Бу ҳақда мухбиримиз хабар бермоқда.

“Меҳр ва окибат” кўнгиллиларининг сўзларига кўра, ҳеч ким кун бўйи ўлик ҳайвонни олиб чиқмаган. Ёки ҳайвонот боғи ходимлари унинг ўлганини пайқамаган ёки уларнинг шунчаки вақти бўлмаган.

photo_2024-04-29_12-11-38.jpg

Шунингдек, ташриф буюрувчилар йўлбарсни кўрсатишган, у ҳам оғир аҳволда экани маълум бўлган.

Troll.uz канали муаллифи Умид Ғафуров Шаҳрисабз ҳайвонот боғидаги қайғули вазият ҳақида биринчилардан бўлиб хабар берган. "Мен ҳайвонот боғларини ёпиш тарафдориман",- деб ёзган блогер.

"Ҳайвонот боғлари ёвуз, ҳайвонлар цирклари ҳам ёвузликдир", - деди журналист Кирилл Альтман.

photo_2024-04-29_12-11-37.jpg

Ижтимоий тармоқларда кўплаб шарҳловчилар уларнинг фикрига қўшилишган.

Ҳайвонот боғларини ёпиш Ekolog канали муаллифлари томонидан ҳам қўллаб-қувватланган. Улар, афсуски, барча хусусий ҳайвонот боғларида ҳайвонлар даҳшатли ҳолатда сақланмоқда, деб хулоса қилишмоқда. Кўпинча ҳайвонлар оч қолишади, уларга тегишли ветеринария ёрдами кўрсатилмайди.

"Одамларнинг кайфиятини кўтариш учун ҳайвонларни қафасларда сақлаш ғайриинсонийдир. Биз аввалроқ Хатирчи хусусий ҳайвонот боғидаги ҳайвонларнинг даҳшатли ҳолатда сақланаётгани ҳақида ёзган эдик. Шаҳрисабз ҳайвонот боғи директори билан ҳозирча боғлана олмадик, у вазият ҳақида мантиқий тушунтириш беради деб умид қиламиз", - деб ёзшмоқда экологлар.

Эслатиб ўтамизки, сўнгги икки ой ичида Фарғона, Навоий, Термиз шаҳарларидаги ҳайвонот боғлари бўйича   бир неча бор шикоятлар келиб тушган.


Ўхшаш янгиликлар