Зеленский ва Украинага ташриф буюрган Польша президенти Анджей Дуда Радада нутқ сўзламоқда.

Президент Зеленский: "Биринчи ўринда Украина нафақат ўзини, балки бутун Европани ҳимоя қилмоқда. Поляклар буни билишади, ҳурмат қилишади ва қадрлашади, бунга ҳар томонлама ҳисса қўшадилар... Шунинг учун ҳам биз санкция чораларини кўраяпмиз. Польша Россияни тинчликка даъват қилиш учун зарур бўлган санкцияларни илгари суриш бўйича етакчилардан бири”, деди Зеленский.

Президент Дуда: "Буча, Бородянка, Мариуполдан кейин Россия билан одатдагидек иш кўрилиши мумкин эмас", дея Рададаги нутқи давомида дунё раҳбарларига мурожаат қилди Анджей Дуда.

Дуда Украинанинг Европа Иттифоқига аъзо бўлиши учун қўлидан келган барча ишни қилишга ваъда берди.

Шунингдек, у икки халқ ўртасидаги бирликни ҳеч ким бузолмаслигини қўшимча қилди.