НАТО давлатлари зудлик билан қурол ишлаб чиқаришни ошириши керак, деди Украина ташқи ишлар вазири Дмитрий Кулеба альянснинг Бухарестдаги йиғилиши бошланишидан олдин.

Politico нашрига берган интервьюсида у кўпроқ қурол ишлаб чиқаришга сармоя киритмасдан туриб, узоқ муддатда жанг майдонида ғалаба қозониш мумкин эмаслигини таъкидлади: «Биз бугунги жангларни олиб бораётган эканмиз, эртанги жангларда қандай курашишимиз ҳақида ўйлашимиз керак».

Кулебанинг сўзларига кўра, урушда ёрдам берадиган сиёсий сабабларга кўра Украина билан қурол бўлишмоқчи бўлмаган давлатлар билан бир неча ой музокаралар олиб боришга ҳожат йўқ.

«Уларга таяниб, уларни ишонтиришга бир неча ой сарфлаш ўрнига, биз захирада нимадир бор, лекин уни бўлишишни истамайдиган учинчи давлатларнинг инжиқликларига қарам бўлиб қолмаслик учун ишлаб чиқаришни йўлга қўйишимиз керак», деди Кулеба.

Кулебанинг таъкидлашича, Украинага ҳаво ҳужумидан мудофаа тизимлари, танклар ва ишлаб чиқариш линиялари энг зарур.