Украина келгуси икки йил ичида Европа Иттифоқига аъзо бўлиш керак деб ҳисобламоқда. Бу ҳақда Украина бош вазири Денис Шмигал Politico газетасига маълум қилди.

"Кейинги икки йил ичида Европа Иттифоқига аъзолик бўйича жуда катта режамиз бор. Ва шунинг учун умид қиламизки, бу йил дастлабки музокараларни бошлашимиз мумкин", — деди у.

Нашрнинг ёзишича, Украинанинг Европа Иттифоқига аъзолиги масаласи 3 февраль куни бўлиб ўтадиган Европа Иттифоқи–Украина саммитида асосий мавзулардан бири бўлади.