Тошкент шаҳар ИИББ Ахборот хизматининг маълум қилишича, Чилонзор тумани ИИО ФМБга келиб тушган хабарга кўра, 9 май куни соат 14:00 атрофида номаълум шахслар ертўланинг қулфини бузиб, 28 ёшли Ж.Т.га тегишли музлатгич, микротўлқинли печь ва 11 000 АҚШ долларини ўғирлаб воқеа жойидан яширинишган.
Мазкур ҳолат юзасидан Ўзбекистон Республикаси Жиноят кодексининг 169-моддаси 2-қисми ("Ўғирлик") билан жиноят иши қўзғатилган.
Кўрилган чоралар давомида жиноятчилар эртаси куниёқ аниқланиб, қўлга олинди. Улар 54 ёшли П.Л. ва 31 ёшли М.К. бўлиб чиқди.
Бугунги кунда тергов давом этмоқда.