Ижтимоий тармоқларда Тошкент шаҳри Миробод туманида номаълум эркак мактабдан қайтаётган қизга ташлангани акс этган видео тарқалди.

Бош прокуратура матбуот котиби Ҳаёт Шамсутдиновнинг Aniq.uzга маълум қилишича, 19 апрель куни соат 12:49 да вояга етмаган Б.З. қўшимча дарслардан қайтиб келаётганда Миробод тумани Иноқобод кўчасида номаълум шахс орқасидан келиб, тегажоғлик қилган. Сўнгра ҳодиса жойидан қочиб яширинган.

Жабрланувчи қиз ҳозирда мактабнинг 11-синфида ўқийди.

Шунингдек, қизга тагжоғлик қилган номаълум шахс тахминан 20-30 ёшлардаги ўзбек миллатига мансуб йигит экани айтилмоқда.

Ҳозирда Б.З.нинг отасидан ариза олиниб, номаълум фуқаронинг шахсини аниқлаш ҳамда қидириб топиш чоралари кўрилмоқда. Ҳолат юзасидан терговга қадар текширув ҳаракатлари олиб борилмоқда.