Қозоғистонлик ММА жангчиси Шавкат Раҳмоновнинг навбатдаги жанги тафсилотлари маълум қилинди.

Унга кўра, Ўзбекистонда туғилган Шавкат Раҳмонов 16 декабрь куни ўтказиладиган UFC 296 турнирида америкалик Стивен Томпсонга қарши октагонга кўтарилади.

"UFCдан таклиф келди ва мен рози бўлдим. Раҳмонов, кел йилни ажойиб тарзда якунлаймиз. 16 декабрни сабрсизлик билан кутяпман", - деб ёзди Томпсон ижтимоий тармоқдаги саҳифасида.

Ўз навбатида Шавкат "Кел, буни амалга оширамиз", - дея унга жавоб қайтарди.