Реалити-шоу премераси 22 ноябр куни бўлиб ўтиши режалаштирилган. Шоуда 456 нафар ўйинчи 4,56 миллион доллар ютиб олиш учун кураш олиб боради.

Netflix стриминг хизмати ўзининг YouTube каналида “The Squid Game” сериали асосидаги “Squid Game: The Challenge” реалити-шоуси тизерини тақдим этди.

“456 нафар реал одам 4,56 миллион долларга нима қилади?” деб ёзилган видеонинг тагида. Реалити-шоу премераси 22-ноябр куни бўлиб ўтиши режалаштирилган.

Netflix 2022-йилнинг ёзида реалити-шоу иштирокчилари ёлланганини эълон қилганди. 2023-йил бошида танловдан четлатилган иштирокчилар Variety and Rolling Stone нашрига суратга олиш пайтидаги оғир шароитлар ҳақида гапирди. Унга кўра, вазият баъзи иштирокчиларнинг жараёнда ҳушидан кетишига сабаб бўлган

Шунингдек, танловдан четлаштирилган иштирокчилар шоу ташкилотчиларини танловни сохталаштиришда айблаб, суратга олишда блогерлар ва таъсир ўтказувчилар иштирок этганини, уларнинг фикрича, кейинги босқичларга ўтиш учун ташкилотчилар томонидан олдиндан танланганини таъкидлади.