Беларус Ғарб гибрид урушининг нишонига айлангани ҳақидаги даъволар Лукашенко томонидан 2020 йилдан бери илгари сурилиб келинмоқда. Аввалроқ у Путин билан биргаликда қарорлар қабул қилишини ва Беларус Республикаси ҳудудидаги рус қўшинлари беларуслар томонидан назорат қилинаётгани ва улар қўмондонлигида ўқитилаётганини айтган эди.

Урушни ўрганиш институти таҳлилчиларининг фикрича, Лукашенко Беларусни суверен давлат сифатида кўрсатиш ва Путиндан Россия босқини тугагандан сўнг мамлакатдан қўшинларни олиб чиқиб кетишни талаб қилиш мақсадида ахборот таъсиридан фойдаланиш учун шундай баёнотлар билан чиқмоқда.