• 11430.07
  • 12299.90
  • 147.90
weather Тошкент: +8°C
Detail image

Хитойнинг Alibaba Holding компанияси акциялари 15 фоизга қимматлашди, бунга электрон тижорат гиганти компанияни олти қисмга бўлиш тўғрисида қарор қабул қилгани сабаб бўлди, деб хабар бермоқда Euronews.

Alibaba Cloud Intelligence булутли хизматлар, Taobao Tmall - Хитойда онлайн чакана савдо, International Digital Commerce - халқаро онлайн чакана савдо, Local Life - озиқ-овқат етказиб бериш, Cainiao - логистика ва Dawen Entertainment - рақамли медиа ва ўйин-кулги билан шуғилланувчи 6 та компанияга бўлинди.

Қайд этилишича, янги компанияларнинг ҳар бири ўз бошқарувига ва директорлар кенгашига эга бўлади, уларда операцияларни молиялаштириш бутунлай мустақил амалга оширилади.

Компаниянинг бўлиниши бозордаги ўзгаришларга тезроқ жавоб беришга ва янги корхоналар қийматини оширишга қаратилган. Маълум қилинишича, келажакда янги компаниялар индивидуал асосда капиталлашувни ошириш мақсадида ИПО ўтказишни режалаштирмоқда.

Маълумот ўрнида, Alibaba Group 1999 йилда хитойлик миллиардер Жек Ма томонидан асос солинган. 2022 йилда, Алибаба бренди Хитойда иккинчи ўринда турувчи энг қиммат бренд бўлган.

Ўхшаш янгиликлар