Ижтимоий тармоқларда йўл қоидаларини қўпол равишда бузиб ҳаракатланган тўй кортежининг видео лавҳаси тарқалди.

Маълум бўлишича, мазкур ҳолат Фарғона вилоятининг Ёзёвон туманида рўй берган. Тўй кортежида қатнашган 16 киши 15 суткага қамалди. Бу ҳақида вилоят ички ишлар бошқармаси хабар берди. Ёзёвон туманининг Мустақиллик кўчасида 10 дан ортиқ автомашиналарида йўл-ҳаракати қоидаларини менсимай ҳаракатланган йигитлар бошқа транспортларнинг ҳаракатланишига халақит берган ва жамоат жойида юриш-туриш қоидаларини бузган. Қоидабузарларнинг шахси воқеа жойида аниқланиб, уларга тегишли автомашиналар жарима майдончасига жойлаштирилган.

Суд жами 16 нафар шахснинг ҳар бирига 15 суткага маъмурий қамоққа олиш тўғрисида қарор чиқарган.