Туркия ташқи ишлар вазири Мевлут Чавушўғлининг маълум қилишича, Анқара Финляндия ва Швециянинг НАТОга аъзо бўлиш учун аризаларини алоҳида кўриб чиқиши мумкин.

"Биз НАТОнинг кенгайишига қарши эмасмиз. Ва бизнинг томонимиздан Финляндия ёки Швецияга қарши ҳеч қандай фундаментал эътирозлар йўқ, аммо улар бизнинг хавотирларимизни ҳисобга олишлари керак. Биз уларнинг аризаларини алоҳида кўриб чиқиш варианти ҳақида ўйлаяпмиз”, — дея изоҳ берди сиёсатчи.