• 11430.07
  • 12299.90
  • 147.90
weather Тошкент: +10°C
Detail image

Гулнора Каримова ширкатлар орқали 240 миллион долларлик актив сотиб олган. Бу ҳақда ББC Freedom For Eurasia ҳисоботига таяниб хабар бермоқда, деб ёзади Spot.

Тадқиқотчиларнинг фикрича, Ўзбекистоннинг Биринчи президентининг қизи бунинг учун Буюк Британия, Гибралтар ва Виржиния оролларида рўйхатдан ўтган компаниялар тармоғидан фойдаланган. Улардан Рустам Мадумаров ва Каримовага алоқадор бошқа шахслар фойда кўрган.

Тадқиқотчилар Каримова ҳибсга олинишидан олдин сотиб олган камида 14 та мулкни топдилар. Буюк Британиядан ташқари, Франция, Швейцария, Бирлашган Араб Амирликлари ва Гонконгда сотиб олинган мулклар аниқланган.

Буюк Британияда Каримова умумий қиймати 50 миллион фунт стерлинг бўлган бешта объектга эга эди. Бунга Лондоннинг Букингем саройи яқинидаги нуфузли ҳудудидаги учта квартира, Мейфейрдаги уй ва Суррейдаги кўл билан 18 миллион фунт стерлингга эга бўлган уй киради.

Лондондаги иккита квартира 2013 йилда янги эгаларига қайта сотилган. Қолган мулк 2017 йилда Буюк Британия Ички ишлар вазирлиги томонидан музлатилган.

Ҳисоботда Каримованинг «тармоғи»дан иккита компания – Panally ва Odenton Management алоҳида кўрсатилган. Уларнинг бухгалтерия хизматлари SH Landes LLP томонидан тақдим этилган бўлиб, у 2010 йилда 33 миллион фунт стерлингга шахсий самолёт сотиб олиш учун компания ташкил этиш ёки сотиб олишни режалаштирган.

Рустам Мадумаров битимдан фойда олувчи сифатида қайд этилган. SH Landes «мижознинг шахсий аҳволи ҳақидаги саволни ўринсиз» деб атади, бироқ кейинроқ пулнинг бир қисми Уздунробита (МТС Ўзбекистон) уяли алоқа операторидан олинганини таъкидлаб ўтди.

Ҳисоботда таъкидланганидек, 2004 йилда ОАВда Каримова томонидан «Ўздунробита»дан 20 миллион доллар ўғирлангани ҳақида хабарлар тарқалган эди. Муаллифлар SH Landes пулларнинг келиб чиқишини батафсил ўрганиши кераклигини таъкидлаган.

Иккинчи компания Panally'нинг 2012 йилги молиявий ҳисоботини 2020 йилда Каримова билан бирга синов муддатида бўлган Гаяне Авагян имзолаган. Қайд этилишича, 2011 йилда ББC Авакяннинг коррупция можаросида иштирок этган Такилант билан алоқаси борлиги ҳақида хабар берган.

Ҳисобот муаллифларидан бири Том Майн Каримова ва унинг тузилмалари Буюк Британияда қимматбаҳо мулкни осонлик билан қўлга киритганини таъкидлади. Активлар музлатилганидан кейин ҳам унинг тузилмаларига хизмат кўрсатувчи компанияларга нисбатан ҳеч қандай текширувлар ёки санкциялар бўлмаган.

«Бирор нарса қилиш учун [Британия] расмийларига 2017 йилгача вақт керак бўлди – бошқа давлатлар аллақачон бир неча йил давомида [Каримова] га тегишли банк ҳисоблари ва мулкларини музлатиб қўйган», - дейди Мейн.

Ўхшаш янгиликлар