Аввалроқ, “Қирғиз Республикасининг маданият ва санъат соҳалари вакилларидан бир гуруҳига фахрий унвонлар бериш тўғрисида”ги Ўзбекистон Республикаси Президентининг Фармони қабул қилинганлиги ҳақида хабар берган эдик.

Бунга жавоб сифатида Садир Жапаров ҳам 5 сентябрь куни имзоланган фармон билан Ўзбекистондан маданият ва санъат соҳасидаги икки вакилга фаҳрий унвон берилди:

• Ўзбекистон Маданият вазири Озодбек Назарбековга — “Қирғизистон халқ артисти” фахрий унвони;
• Юнус Ражабий номидаги Ўзбек миллий мусиқа санъати институти “Анъанавий мақом ижрочилиги” кафедраси катта ўқитувчиси Фарангиз Маҳмудовага — “Қирғизистонда хизмат кўрсатган артист” унвони.

Ҳужжатда айтилишича, ушбу унвонлар Қирғизистон ва Ўзбекистон ўртасида маданият ва санъат соҳасидаги дўстлик ва ҳамкорликни мустаҳкамлашга қўшган катта ҳиссаси учун берилди.