Nemolchi.uz таҳририятига 7 июндан 8 июнга ўтар кечаси икки ёш калтаклангани ҳақидаги хабар келиб тушди. Ўзбекистон ИИВ матбуот котиби Шоҳрух Ғиёсов шанба куни эрталаб Эллона Фирсова ва Александр Соленконинг ушланишига изоҳ берди.

“Ушбу факт атрофидаги спекуляцияга барҳам бериш ва сунъий резонанс уйғотиш мақсадида жорий йилнинг 8 июнь куни пойтахтимизнинг Мирзо-Улуғбек туманидаги ички ишлар органлари ходимлари томонидан тахминан соат 02.30 ларда улар гиёҳвандлик воситаларини жойлаштиришга алоқадорликда гумон қилиниб, профилактика назоратини бузганлиги учун  ушбу фуқароларнинг шахсини аниқлаш зарурати туғилганлигини маълум қиламиз”.

ИИВ хабарига кўра, “фуқаролар бошиданоқ ўзини ноўрин тутган, ички ишлар органлари ходимларининг ҳаракатларига фаол қаршилик кўрсатган”.

“Кейинчалик айрим оммавий ахборот воситалари томонидан воқеаларнинг бир ёқлама талқин қилиниши, шунингдек, мақолаларда ёшларнинг саргузаштлари “ранг-баранг” тасвирлангани сабабли ижтимоий тармоқларда турли миллатчилик руҳидаги баёнотлар, шарҳлар тарқала бошлади”.

Ички ишлар вазирлигининг таъкидлашича, бу алоҳида жамоатчилик вакиллари томонидан миллий адоватни сунъий равишда қўзғатишга уриниш бўйича биринчи ҳолати эмас.

“Биз ушбу салбий тенденцияни кузатиб бораётганимиз ҳақида огоҳлантирамиз ва баъзи салбий фикрдаги фуқароларнинг миллатчилик туйғуларини қўзғатиб, жамоатчиликка босим ўтказишига йўл қўймаймиз. Тергов бу фуқароларнинг тавсифланган тан жароҳатларини қаерда ва қандай шароитда олганлигини ҳали аниқлаганича йўқ».

Агентлик оммавий ахборот воситалари ва ижтимоий тармоқ фаолларидан ҳуқуқ-тартибот идоралари ходимлари ва фуқароларнинг ҳаракатларига ҳуқуқий баҳо берилишини кутишни сўради.