O‘zbekiston Respublikasi Qishloq xo‘jaligi vazirligi delegatsiyasi Ozarbayjonga tashrifi doirasida ushbu mamlakat Qishloq xo‘jaligi vaziri Medjnun Mamedov bilan uchrashdi.

Uchrashuv doirasida Toshkent viloyatida Ozarbayjon funduk navining ko‘chatlarini ekish hamda Ozarbayjonning Fizuli tumanida anor va boshqa meva bog‘larini barpo etish masalalari muhokama qilindi, deyiladi vazirlik maʼlumotida.

Uchrashuvda tomonlar qishloq xo‘jaligida xizmatlar ko‘rsatish masalalari hamda hamkorlik borasidagi ishlarni muhokama qilishdi.