15-22 iyul kunlari Germaniyada o‘tkazilgan xalqaro nemis tili olimpiasida Andijon qizi Rayyona Ibrohimova 62 ta davlat bilimdonlari o‘rtasida faxrli birinchi o‘rinni egalladi. Ushbu yuqori natija Andijon ahli uchun katta quvonch bag‘ishladi.

Bugun Andijon viloyati hokimi Shuhratbek Abdurahmonov olimpiada g‘olibasi, uning ota-onasi va ustozlari bilan uchrashib, o‘zining samimiy tabriklarini bildirdi.

Maʼlumot uchun, Rayyona Ibrohimova Andijon shahridagi 4-umumtaʼlim maktabida tahsil oladi. Hozirda 10-sinfni tamomlab, 11-sinfga qadam qo‘ymoqda.