![Detail image](https://dnews.uz/img/assets_front/img/news/uzreport/uzreport669a1de14bd35.jpeg)
Futbol bo‘yicha O‘zbekiston olimpiya terma jamoasi Olimpiada oldidan so‘nggi nazorat uchrashuvida ishtirok etdi.
Olimpiya o‘yinlari startidan avval o‘tgan ikkinchi nazorat o‘yinida futbolchilarimiz Yangi Zelandiyaga qarshi maydonga tushdi. Uchrashuvda Timur Kapadze shogirdlari 3:1 hisobida g‘alaba qozondi. Jamoamiz safida Husayn Norchayev dubl qayd etgan bo‘lsa, yana bir golga Oston O‘runov mualliflik qildi.
Endi O‘zbekiston olimpiya terma jamoasi bor eʼtiborini “Parij-2024” Olimpiya o‘yinlariga qaratadi va ilk uchrashuvni 24 iyul kuni Ispaniya termasiga qarshi o‘tkazadi.