Dushanbedagi “Qasri Millat” qarorgohida davlat tashrifi bilan Tojikistonga kelgan Oʼzbekiston prezidenti Shavkat Mirziyoyevni rasmiy kutib olishga bagʼishlangan tantanali marosim boʼldi.

Oliy martabali mehmon sharafiga faxriy qorovul saf tortdi. Ikki davlat madhiyalari yangradi.

Prezidentlar Shavkat Mirziyoev va Emomali Rahmon faxriy qorovul safi oldidan oʼtib, rasmiy delegatsiyalar aʼzolarini bir-biriga tanishtirdilar. Birgalikda suratga tushildi.

Ayni paytda davlat rahbarlari ikki tomonlama uchrashuv oʼtkazmoqda.